Американскиот музички продуцент и диџеј Томас Весли Пенц, познат како Дипло, се соочува со сериозни обвиненија, пишува „Пејџ сикс“. Имено, музичарот е обвинет од засега неименувана жена за дистрибуција на одмаздничка порнографија.

Во тужбата, поднесена во четвртокот, жената го тужи Дипло за дистрибуција и снимање на сексуални слики и видеа од неа, кои тој ги предал на трети лица без нејзина согласност. Жената, која живее во Њујорк, тврди дека била во врска со Дипло од јуни 2016 година, а нивната врска завршила во 2023 година.

Според судската пријава, таа му дозволила на музичарот повремено да ги снима како имаат секс, но вели дека не сакала тој да ги дистрибуира тие снимки и не му дала дозвола за тоа.

Меѓутоа, во ноември 2023 година, жената тврдеше дека била контактирана од трето лице кое рекло дека добиле материјал на кој таа и музичарот имаат секс. Како што вели, уште во октомври 2023 година ѝ било кажано дека постои лице кое добило порнографска содржина на која се гледаат нејзините гениталии, задникот и лицето. Материјалот наводно бил испратен преку Снепчет.