„Потроши 250 илјади фунти на операции“: Хирург ги откри тајните на Деми Мур, која тврди дека не правела естетски корекции
Американската актерка Деми Мур важи за една од најубавите жени во Холивуд, која изгледа младолико и покрај тоа што има 60 години.
Многумина се прашуваат како актерката успева да го одржи младешкиот изглед, а некои сметаат дека за тоа се заслужни естетските зафати. Од друга страна, Мур во неколку наврати негираше дека направила операции.
Пред три години, Мур се појави на модна ревија и ги поттикна шпекулациите дека направила естетска операција. Нејзините образи тогаш изгледаа пополни и поистакнати од вообичаено, а многумина рекоа дека изгледа непрепознатливо. Иако актерката се обиде да демантира, промената беше очигледна.
Наводно, актерката направила операции вредни 250.000 фунти – импланти на гради, операција на носот и неколку процедури против стареење, пишува „Дејли мејл“.
Во разговор за списанието „Хелоу“, естетскиот хирург Марк Соломос вели дека Мур започнала со пластичните операции уште во младоста, а тоа може да се види на нејзиното лице и тело. Според него, актерката ги подигнала усните, ринопластика и користела ботокс. Тој кажа и дека е можно актерката да го подигнала лицето и вратот и истото да го направила и со очните капаци.
„Сето ова е видливо во пределот на носот. Брчките се минимални, што не е вообичаено за оние кои не користат некаква форма на подмладување“, тврди тој.
