Поради штрајк прекинати летовите на двата главни аеродроми во Белгија
Сите комерцијални летови од двата главни белгиски аеродроми на 1 октомври ќе бидат откажани поради штрајк на безбедносниот персонал, соопштија аеродромските оператори. Штрајкот, кој ги погоди аеродромите Брисел-Завентем и Шарлроа, го најави конфедерацијата на синдикати за да се алармира за условите за работа во секторите за чистење, безбедност и угостителство, пренесе АФП, пишува БГНЕС.
Планиран е и протест во Европскиот кварт во Брисел за да се привлече вниманието на ЕУ на проблемот. На најголемиот белгиски аеродром, Брисел-Завентем, откажани се сите 249 летови планирани за полетување, а само 98 од 243 летови планирани за слетување ќе можат да се реализираат, објави портпаролката на аеродромскиот оператор. Околу 100 летови кои поаѓаат исто така беа откажани на аеродромот во Шарлроа, но авионите кои пристигнуваа не беа погодени, изјави портпаролот на аеродромскиот оператор.
Полетувањето на авионите го отежнало отсуството на инспектори за багаж, чии проверки на двата аеродроми ги врши британската мултинационална компанија Г4С. Илјадниците патници погодени од откажаните летови ќе бидат известени од нивните авиокомпании.