Поради правилата на УЕФА фудбалерите на Бодо/Глимт морале да се возат 220 метри со автобус
Бодо/Глимт славеше победа со 3:2 против Порто во својот прв натпревар од Лигата на Европа, а од оваа средба ни пристигнува и еден интересен податок.
Имено, фудбалерите на Бодо/Глимт пред натпреварот биле приморани да го имаат едно од најкратките возења со автобусот. Правилата на УЕФА налагаат тимовите на европските натпреварувања на стадионите да пристигнувааат со автобус, а Бодо морал да го исполни тоа иако бил одалечен 220 метри.
Така тие во 17:05 часот тргнале на натпреварот и една минута подоцна пристигнале.
„Ни беше кажано дека мораме така и требаше да ги почитуваме правилата. Го паркирам автомобилот до автобусот и влегувам во него подготвен за натпреварот, малку е смешно, но така е“, изјави фудбалерот Хауге.
Дел од фудбалерите на Бодо живеат и блиску до стадионот, но сеедно и тие морале да се качат во автобусот и да ги испочитуваат правилата.