Судскиот совет го поништи огласот за избор на претседател на судот во Кавадарци, објави „Сител“.

Комисијата за проверка на исполнетост на критериумите дури сега увидела дека единствениот пријавен кандидат, Лазар Нанев, немал право уште еднаш да биде избран за прв човек на кавадаречкиот суд, затоа што досега двапати беше претседател.

Според Законот за судови, на раководната позиција, пријвениот кандидат можел да остане најмногу два мандати.

Одлуката на Судскиот совет доаѓа во време кога овој орган води две постапки за одговорност против Нанев. Во првиот случај, затоа што десетици пати телефонски комуницирал со обвинет кого подоцна го осободил, а во другиот – поради навреди кон претседателката на Судскиот совет Весна Дамева и давање насоки на членови во Советот како да дискутираат и гласаат за негово унапредување.