Полска ќе го преземе сопственичкиот удел на руски Гаспром во полската компанија Еурополгас, објави весникот „Жечпосполита“.

Според весникот, тоа е 48 отсто од акциите на Гаспром во Еурополгас, компанија која е сопственик на полскиот дел од гасоводот Јамал, пренесува Ројтерс. Во септември, Полска воведе санкции против Гаспром, наведувајќи дека нејзиниот имот ќе биде замрзнат.

Матеуш Бергер, полскиот државен секретар задолжен за стратешката енергетска инфраструктура, кој денеска беше контактиран од Ројтерс, одби да коментира.

Во април, Варшава воведе санкции за 50 руски олигарси и компании во обид да го зголеми притисокот врз Москва поради нејзината инвазија на Украина. Во исто време, Русија го прекина извозот на гас во Полска, откако Варшава одби да плати во рубљи.