Полицијата во албанскиот град Корча уапси уште осум лица осомничени за вмешаност во инцидентот со фрлањето на солзавец на концертот на Горан Бреговиќ.

Полицијата во Корча поведе и кривична постапка против 21-годишен човек, кој беше уапсен синоќа под сомнение дека фрлил солзавец на концертот на Горан Бреговиќ на Пиво фест во тој град, а како што се наведува, лицето веќе и било познато на полицијата подолго време.

Како што беше соопштено, станува збор за Редон Леки од Тирана, кој одамна и е познат на полицијата по производство и продажба на наркотици, илегална трговија со луѓе и грабежи, пренесува ABC Албанија.

Исто така, поради истиот случај, поведена е постапка против Ф.К., 33 години од селото Лушње, кој бил во друштво на Лека и кој пружал отпор.

Се додава дека на лице место се пронајдени докази, како и неексплодирана направа.

Полицијата објави дека, покрај Лека, уапсени се уште осум лица во врска со фрлање солзавец на концертот на Бреговиќ, а од местото на настанот се појавија видеа од луѓе кои бегаат веднаш по фрлање солзавец.

Децата и постарите се упатија директно кон излезот, додека на едно лице му беше укажана лекарска помош и заврши во Итната помош, пренесува фактор.ал.

Бреговиќ одржа концерт на Пиво фест и покрај бројните барања пред одржувањето да се одложи поради наводните просрпски ставови на музичарите, особено против независноста на Косово.

Концертот се одржа во присуство на неколку илјади гледачи, со строги безбедносни мерки, а повеќе од 200 полицајци беа ангажирани за обезбедување на концертот, од кои повеќето беа околу сцената, додека останатите беа распоредени на главните градски улици.