Поетската збирка „Светлосна тишина“ на Калина Изабела Зјола е објавена на македонски јазик
Неодамна од печат излезе двојазичната поетска збирка „Светлосна тишина“ на современата полска поетеса Калина Изабела Зјола. Таа е поетеса, писателка, книжевна критичарка, новинарка и културна аниматорка.
Има објавено 20 поетски книги, меѓу кои 11 на странски јазици и една книга со книжевна критика „На мојот пат, птиците само поминуваат“ (есеи, рецензии, нацрти). Има преведено на полски јазик 24 книги од други автори и антологии.
Нејзината поезија е препеана на повеќе од 20 јазици и објавена во многу списанија, антологии и алманаси во Полска и во странство, но исто така е застапена на телевизиски програми.
Калина Изаберла Зјола беше учесничка и на овогодишното издание на Струшките вечери на поезијата.
Препевите на песните се на Томаш Миелцарек и Даниела Андоновска Трајковска. Книгата е во издание на „Перун Артис“ од Битола.
(Текстот е објавен во „Културен печат“ број 245, во печатеното издание на весникот „Слободен печат“ на 31.08-01.09.2024)