Почина музичарот Миша Раца, еден од основачите на српската рок група „Освајачи“
Миша Раца, тапанарот и еден од основачите на рок групата „Освајачи“, почина денеска на 58-годишна возраст, пренесуваат српските медиуми.
Роден во 1966 година, Миша беше клучна фигура на југословенската и српската рок сцена, оставајќи неизбришлива трага со својот талент и енергија.
Миша Раца ќе остане запаметен не само по неговата музика, туку и по неговиот придонес во развојот на рок-културата во регионот. Неговата страст и посветеност на музиката инспирираа многу генерации музичари и обожаватели. Групата „Освајачи“, која тој ја основа, стекна голема популарност во текот на 90-тите, со хитови кои станаа евергрини на српката рок сцена. Миша учествуваше во создавањето на првите два албума на групата, „Крв и лед“ од 1990 година и „Сам“ од 1995 година.
Погребот ќе се одржи во петок во 12 часот на гробиштата во Крагуевац, неговиот роден град.