По скандалот на Евровизија: Дисквалификуваниот Холанѓанец ги заинтригира следбениците на Инстаграм
![](https://www.slobodenpecat.mk/wp-content/uploads/2024/05/FotoJet-86.jpg)
Песната „Europapa“ на холандскиот претставник на годинашниот Избор на песна за Евровизија, Јост Клајн, викендов гласно беше испеана на најголемиот холандски поп фестивал.
Како што пренесуваат евровизиските веб-страници, Клајн сега навести дека би можел повторно да се натпреварува следната година.
„Зошто да не и во 2025?“, рече тој на настапот, а во описот на неговиот инстаграм-профил сега пишува и „Евровизија 2025“.
![](https://www.slobodenpecat.mk/wp-content/uploads/2024/06/Joost-Klein.png)
Сепак, колку што е познато, учеството на Клајн на музичкото натпреварување следната година се уште не е официјално потврдено.
Како што е познато, холандскиот претставник годинава беше дисквалификуван поради „инцидент“ во кој наводно вербално ѝ се заканувал на вработена во продукцијата, па поради тој случај е покрената истрага.