По силниот земјотрес во Корча жителите со сведоштва: Целосно ни се уништени домовите (ФОТО)
Силниот земјотрес со јачина од 5.2 степени според Рихтер, кој го погоди албанскиот град Корча изутринава, предизвика големи штети. Балканвеб јавува дека домовите кои беа оштетени од земјотресот од 1 јуни се целосно уништени од денешниот потрес. Во снимките кои ги објавува овој медиум се гледаат оштетените објекти.
Жителите велат дека денешниот земјотрес ги запрепастил, затоа што бил посилен од пред четири месеци, додека бараат власите да им поставуваат шатори за да имаат каде да престојуваат.
– Се запрепастивме. Беше силен земјотрес, посилен од јуни. Останавме на отворено небо. Нашите домови беа оштетени, сега целосно ни се уништени. Никој ништо не направил. Ќе спиеме надвор. Нема друг избор. Бараме шатори и помош. Студено е – велат жителите од селото Видохово, Корча.
А пак состојбата во самиот град Корча е поинаква, куќите не се оштетени во големи мери како по селата, туку има само оштетување од надворешниот дел на фасадите.