Пливачот Деркоски во Токио го освои последното место на 400 метри слободно
Денеска и вториот македонски спортист го имаше својот настап на Олимписките игри, Филип Деркоски пливаше во базенот во Аква центарот во Токио.
Нашиот пливач настапи во дисциплината 400 метри слободно и се појави во првата квалификациска група на натпреварувачи составена од четворица учесници.
На крајот Деркоски го освои последното четврто место со време 4:03.34 мин., зад третопласираниот Иракл Ревишвили од Грузија, втор беше Игор Моње од Мозамбик, а на првата позиција се најде Чилеанецот Едуардо Систернас (3:54.10 мин.)
Деркоски го поправи својот најдобар личен резултат за 76 стотинки, успех кој му носи 739 ФИНА бодови, што е убедливо најдобар резултат меѓу македонските пливачи според ФИНА табелата.
ФОТО: Бранковски го освои 21 место, без финале на Олимписките игри во Токио