Планинарот кој се изгубил на планина во Колорадо стана вирален откако во 2021 година беше објавена приказната за деталите за неговото спасување.

Имено, планинарот, чиј идентитет не е откриен, се изгубил на највисокиот врв во државата Колорадо, на планината Елберт. Спасувачите почнале да го бараат, но не успеале да најдат трага, па претпоставиле дека тој залутал од патеката.

За среќа, по 24 часа успеал да се врати до својот автомобил, но немал поим дека спасувачите трагаат по него, бидејќи цело време ги игнорирал нивните повици зашто доаѓале од непознат број.

„Повеќе обиди на контактирање со него преку мобилен телефон беа неуспешни. Заклучокот е дека тој ги игнорираше нашите постојани повици, бидејќи не го препознал бројот. Ако доцните според планот за патување и почнете да примате повторени повици од непознат број, јавете се на телефонот, тоа може да биде тимот на спасувачи кој се обидува да потврди дека сте безбедни“, порачале спасувачите на Фејсбук.