Зоран Димитровски од Демократскиот сојуз во емисијата „Само вистина“ на „Канал 5“ вечерва рече дека во изминатите сто дена сме ги живееле „последиците од владеењето на СДСМ и ДУИ, како и обидот на оваа влада да ги санира овие последици“.

„Последиците ги живееме и финалето е раздвојувањето – одлуката Албанија да продолжи, а Македонија не. Девастација на финансискиот систем, непланирање на буџетски средства за функционирање на институциите и сето тоа се санира, финалето во таа смисла е заемот од Унгарија во смисла да се отпочне свеж бран на финансирање на опшините“, рече тој

„Унгарскиот кредит е поволен. Кога СДСМ се задолжуваше со еврообрзници, никој не беше вклучен од фелата што се занимава со финансирање и економија, туку само ги известуваа граѓаните дека ќе се задолжат со обврзници“, рече Димитровски.

Димитровски беше заменик-министер во владата на СДСМ и ДУИ, во која Демократскиот сојуз беше коалициски партнер до лани во февруари.