Министерот за надворешни работи Бујар Османи во вечерашната емисија „24 анализа“ рече дека амбасадата во овие тешки услови се обидува да ги услужи граѓаните кои не ја напуштиле Украина, а од денеска тоа ќе оди и потешко.

Шефот на дипломатијата не прецизира дали Македонија ќе прати војници, ако се активира членот 5, ако Русија напредува на некоја од земјите-членки.

– Нашиот амбасадорот таму е со екипата и како се активираат алармите за вздушни напади, дадов инструкција да ја напуштата земјата и да одат во соседните држави. Имаме неколку граѓани во други градови во Украина и сега е потешко, нема комерцијални летови. Тие со кои имаме комуникација се безбедни, им доставувме патни исправи, но нема начин како да ја напуштат земјата. Немаме информации дека некој е повреден. Мапиравме 100 граѓани таму, од кои некои се семејства на наши државјани, а 30 се во специјалната мониторинг мисија на ОБСЕ и тие се под аранжман на генералниот секретаријат на ОБСЕ, 12 ја информираа амбасадата дека ја напуштаат земјата. Ако има позитивен момент во ова е дека сме членка на НАТО. Одлуките ги носиме врз база на времени, квалитетни информации. Целосно сме вклучени во сите тела и ја нудиме и нашата контрибуција. – рече Османи.

Тој посочи и дека нашата земја е целосна вклучена во сите тела на Алијансата.

-Еден позитивен момент во оваа трагедија е дека сме членка на НАТО.Тоа е квалитативно голема разлика и во пристапот на информациите и одлуките кои се носат се засновани на навремени и квалитетни инфоемации.Целосно сме вклучени во сите тела на Сојузот и ја нудиме нашата котрибуција и во брзото донесување на одлуки и во солидализирање во мисиите кои ќе ги превземе Алијансата, кажа Османи.