Рускиот претседател Владимир Путин во Кремљ се сретна со унгарскиот премиер Виктор Орбан. Последен пат, двајцата политичари се сретнаа во октомври 2023 година, на форумот „Појас и пат“ во Кина, пренесува ТАСС. 

Унгарската влада постојано изјавува дека каналите за комуникација со Русија мора да останат отворени, вклучително и со цел да се најде начин за решавање на украинската криза. Во меѓувреме, во однос на неговите денешни разговори, Орбан истакна дека дошол во свое лично својство, а не како претставник на Европската унија.

Будимпешта беше критикувана, па дури и притисната, како што истакна портпаролот на Кремљ, Дмитриј Песков, од ЕУ за нејзината прекумерна независност. Во меѓувреме, претставникот на Кремљ го карактеризира Орбан како политичар кој може прилично цврсто да ги брани интересите на својата земја.

Орбан рече дека посетата е дел од мировна мисија и дека Москва е втората станица, откако неодамна го посети Киев. Една од темите на кои разговараа беше Украина.

„Бројот на земји кои можат да разговараат со двете страни во конфликтот се намалува“, рече Орбан на средбата со Путин, додавајќи дека Унгарија ќе остане единствената земја во Европа која може да разговара со секого.

Како што јави РИА, Путин ќе го информира Орбан за деталите од предлогот на Москва за мирно решение во Украина, а очекува да ги дознае и деталите за унгарскиот план. Орбан оваа средба со Путин ја нарече посебна.

Во меѓувреме, украинското Министерство за надворешни работи соопшти дека посетата на Орбан на Москва, која уследи по неговото патување во Киев претходно оваа недела, не била координирана со Украина.

-Потсетуваме дека за нашата земја принципот „нема договори за Украина без Украина“ останува непоколеблив и ги повикуваме сите земји строго да го почитуваат, се вели во соопштението на Министерството.

Украинското Министерство за надворешни работи соопшти дека посетата на Орбан на Москва, која уследи по неговото патување во Киев претходно оваа недела, не била координирана со Украина.

-Потсетуваме дека за нашата земја принципот „нема договори за Украина без Украина“ останува непоколеблив и ги повикуваме сите земји строго да го почитуваат, се вели во соопштението на Министерството.