Американскиот пејач Мајкл Џексон имал повеќе од 500 милиони долари долг во 2009 година кога починал пред планираната концертна турнеја, според новите судски документи.

Длабоката финансиска дупка во која се нашол „кралот на поп музиката“ е детално опишана во петицијата што извршителите на неговиот имот ја поднесоа во петокот во Врховниот суд на округот Лос Анџелес.

„Во времето на смртта на Мајкл Џексон, тој имаше долг од 500 милиони долари, при што дел од долгот се акумулираше со камата по екстремно високи каматни стапки“, се наведува во документот.

Пред да умре на 25 јуни 2009 година, Џексон се подготвуваше да започне концертна турнеја наречена „This Is It“. Турнејата беше планирана како ангажман од 50 концерти во лондонската „Арена О2“.

Тој почина во пресрет на турнејата, што го остави неговиот имот финансиски одговорен за 40 милиони долари на промоторот на турнејата, AEG, се вели во поднесувањето.

Поднесокот бара парите од имотот на Џексон да се искористат за надоместување на правните услуги и други трошоци на адвокатите на извршителите во 2018 година.

Џексон, исто така, се соочуваше со тужби во неколку држави кога почина, се вели во петицијата. Поднесени се повеќе од 65 барања на доверители, што предизвика повеќе тужби.

Извршителите, сепак, ги намириле повеќето побарувања и судски спорови на доверителите, се вели во поднесокот.

Џексон почина во својот дом во Лос Анџелес на 50-годишна возраст од акутна интоксикација со пропофол. Неговиот лекар, д-р Конрад Мареј, беше прогласен за виновен за ненамерно убиство во 2011 година поради обезбедување на лекот.

Убавата кариера на Џексон вклучуваше 13 Греми награди, бил примен Куќата на Славните на Рокенролот и имаше продажба над 400 милиони плочи.