Најточниот ултразвучен тест може да открие 96 отсто од ракот на јајчниците кај жените во постменопауза, покажало новото истражување, а резултатите упатуваат на тоа дека тестот треба да го замени стандардниот тест за нега што се користи во моментот, се согласуваат британските експерти.

Нова студија ги споредила сите тестови за дијагностицирање на оваа сериозна состојба кои во моментот о се достапни на пазарот и открила дека еден од нив е многу почувствителен од другите.

Од шесте тестирани дијагностички тестови, најпрецизен бил моделот „IOTA ADNEX“, кој се обидува да открие како изгледа грутка при ултразвучен преглед, а со негова помош во дури 96 отсто од случаите бил откриен рак на јајчниците.

Овој ултразвучен тест значително го надминува сегашниот стандард во Велика Британија, велат британските експерти предводени од професорот Суда Сундар од Универзитетот во Бирмингем.

Според нив, наодите сугерираат дека овој конкретен тест треба да го замени сегашниот стандард за тест во Велика Британија, наречен индекс на ризик од малигнитет (RMI1), кој идентификува 83 отсто од карциноми на јајчниците.

За првпат директно проучување на сите достапни тестови

Иако попрецизниот тест веројатно ќе резултира со поголем ризик од развој на рак на јајчник на голем број жени кои немаат рак, експертите се согласуваат дека тоа би било генерално корисно.

– За првпат беше спроведена директна студија за сите достапни тестови за рак на јајчниците кај иста популација. Ја проучувавме нивната корист кај симптоматските постменопаузални жени кои имаат најголем ризик за развој на овој тип на рак – рекол проф. Сундар, додавајќи дека „студијата покажа дека протоколот за ултразвук „IOTA ADNEX“ има најголема чувствителност кога станува збор за откривање на рак на јајчниците во споредба со стандардот за нега и сите други тестови“.

– Откривме дека поголемата чувствителност на моделот „IOTA ADNEX“ веројатно ќе резултира со поголем ризик од развој на голем број жени кои немаат рак, но ние разговаравме со британската Национална здравствена служба (НХС). Тие се согласија дека жените во постменопауза, кои се изложени на поголем ризик од развој на рак на јајчниците, ќе имаат корист од тоа.

Ова е од критично значење

– Раната дијагноза на ракот на јајчниците е од клучно значење и задоволни сме што ова истражување покажува дека постојат попрецизни начини за користење на ултразвук, бидејќи колку побрзо и порано се дијагностицира ракот на јајчниците, толку е полесно да се лекува и поуспешни се резултатите – рекол Енвен Џонс, извршен директор на „Target Ovarian Cancer“.

„Со ова иновативно истражување, треба да се фокусираме на промовирање поголема свест за симптомите на ракот на јајчниците, за жените да знаат кога да се обратат кај лекарите од примарната здравствена заштита или гинеколози за тестирање и да добијат најквалитетен третман што е можно побрзо. Клучот е што поскоро да се воведат нови начини на работа како ова“.

Резултатите од истражувањето се објавени во списанието „Лансет онколоџи“ (Lancet Oncology).