Ниту едно министерство или општина во земјава нема високо ниво на заштита од корупција во јавните набавки, соопшти Центарот за граѓански комуникации (ЦГК).

ЦГК го објави рангирањето на Владата за министерствата и општините според 32 индикатора за антикорупциските перформанси во јавните набавки.Институциите се сместени во три зони: црвена, жолта и зелена, зависно од освоените поени на кој начин биле спроведени јавните набавки.

-Ниту една институција не се наоѓа во зелената зона, на висока заштита од корупција, со остварување на антикорупциските перформанси од над 80 отсто. Четири министерства и 43 општини се наоѓаат во црвената зона, односно нивните јавни набавки се спроведуваат со ниско ниво на заштита од корупцијата бидејќи имаат освено помалку од 50 отсто, наведува ЦГК.

Според рангирањето најголема корупција имаат Министерството за образование и наука, Министерството за внатрешни работи, Министерството за животна средина и просторно планирање и Министерството за политички систем и односи меѓу заедниците, а најдобри антикорупциски перфоманси имаат Министерството за одбрана и Министерството за земјоделство, шумарство и водостопанство.

Најниско ниво на антикорупциски перфоманси во јавните набавки е утврденo кај Кратово и Гостивар, а градот Скопје е во црвена зона, како и други 40 општини. Најдобри антикорупциски перформанси во јавните набавки има Општина Кавадарци, 70 отсто, како и Велес и Пробиштип, 66 проценти.