Нетфликс ја објави листата на најгледани филмови и серии во 2024 година
Нетфликс објави нов извештај за гледаност во кој се наведени најгледаните филмови и ТВ серии во првата половина од оваа година. На прво место е третата сезона од серијата „Bridgerton“, а кога се во прашање филмовите, прв е „Damsel“.
Листата ги рангира достигнувањата на Нетфликс врз основа на прегледи и часови на гледање и вклучува податоци од првите шест месеци од 2024 година. На списокот се наоѓаат некои филмови и серии за кои се очекуваше да се најдат на листата, како што се популарните серии „Baby Reindeer“ и „Bridgerton“.
Рангирањето на Нетфликс вклучува и некои изненадувања. Ниту „Rebel Moon“ ниту неговото продолжение не беа особено добро прифатени од публиката или критичарите, но и двата филма се појавуваат на Топ 10 најгледани филмови на Нетфликс за првата половина на 2024 година.
Други точки на интерес го вклучуваат фактот дека содржината снимена на други јазици освен англискиот сочинуваше речиси една третина од сите прегледи во првата половина од оваа година.
Нетфликс смета дека времето на гледање е „најдобар показател за среќата на членовите“, а според услугата за стриминг, претплатниците гледале над 94 милијарди часови содржина на Нетфликс од јануари до јуни 2024 година.
Најгледаната серија на Нетфликс во 2024 година:
10. „Bridgerton“ (сезона 1) – 314.500.000 часови гледање
9. „Berlin“ (сезона 1) – 318.400.000 часови гледање
8. „Baby Reindeer“ – 347.600.000 часови гледање
7. „Griselda“ – 383.000.000 часови гледање
6. „3 Body Problem“ (сезона 1) – 388.100.000 часови гледање
5. „The Gentlemen“ (сезона 1) – 507.300.000 часови гледање
4. „Avatar The Last Airbender“ (сезона 1) – 515.300.000 часови гледање
3. „Queen of Tears“ – 682.600.000 часови гледање
2. „Fool Me Once“ – 689.500.000 часови гледање
1. „Bridgerton“ (сезона 3) – 733.800.000 часови гледање
Кога станува збор за филмовите, следните 10 влегоа на листата на најгледани во првата половина од годината:
10. „Irish Wish“ – 113.000.000 часови гледање
9. „Rebel Moon Part Two: The Scargiver“ – 115.300.000 часови гледање
8. „Mother of the Bride“ – 116.500.000 сати гледања
7. “Rebel Moon Part First: A Child Of Fire” – 122.800.000 часови гледање
6. „The Super Mario Bros. Movie“ – 123.100.000 часови гледање
5. „Under Paris“ – 146.800.000 часови гледање
4. „Atlas“ – 154.200.000 часови гледање
3. „Lift“ – 230.800.000 часови гледање
2. „Society of the Snow“ – 252.500.000 часови гледање
1. „Damsel“ – 263.700.000 часови гледање
