Еден погреб во источна Германија завршил ненамерно во друго расположение, кога на посетителите по грешка им била послужена торта во која имало марихуана, соопштила денеска германската полиција во Росток.

Како што се наведува, по погребот присутните се собрале во еден ресторан во Витаген за да се послужат со кафе и торта, како што е обичај по погреб во Германија, но откако ја изеле тортата, 13 лица осетила мачнина и вртоглавица, па побарале помош од доктор, пренесува АП.

Истрагата покажала дека вработена во ресторанот, задолжена за колачите, ја замолила 18-годишната ќерка да ги испече, но по грешка од фрижидерот ја земала погрешната торта и ја послужила на погребот.

Таа по грешка ја земала тортата со марихуана, направена за друга прилика.

Полицијата навела дека 18-годишната девојка е под истрага.