Кога размислуваме како да го зајакнеме нашиот имунолошки систем, првото нешто што ни паѓа на ум е витаминот Ц. Овој витамин е важен антиоксиданс и делува на неутрализирање на слободните радикали кои се одговорни за оштетување на клетките.

Покрај тоа, витаминот Ц го стимулира телото да создава колаген и ја стимулира апсорпцијата на железо, пишува „Пун куфер“.

Од мали нозе вашите родители сигурно ви нуделе овошни сокови, бидејќи придобивките од витаминот Ц се познати одамна. Но, денес нашите сознанија за неговите реални ефекти се зголемени уште повеќе, а со тоа и знаењето за тоа која храна најмногу го има. Една од намирниците исклучително богата со овој витамин е токму компирот.

Предноста што храната ја има во однос на разните суплементи е што повеќето витамини најдобро се апсорбираат додека се јадат. Компирите ѝ припаѓаат на т.н „храна богата со хранливи материи“ како што се слаткиот компир и морковот. Покрај веќе споменатиот витамин Ц, компирите се богати и со калиум, влакна, протеини , витамин Е, калциум, железо и магнезиум.

Со оглед на тоа дека се работи за релативно евтина намирница, односот цена-квалитет е несомнен. Мит е дека здравата исхрана е скапа, а исто така погрешно е мислењето дека компирот е само маса од скроб како што често ги перципираме.

Клучот за здравјето е во разновидна исхрана. Па, ако имате желба за убави крцкави компири – почестете се без каење!

Печете и уживајте: Рецепт за фантастични полнети компири кои ќе ве стоплат оваа есен