Неколку случаи на ковид во Генералштабот на САД, меѓу нив и началникот Марк Мили
Началникот на Генералштабот на САД, генерал Марк Мили, е позитивен на ковид и е во изолација, пишува Си-Ен-Ен.
Полковникот Дејв Батлер, портпарол на Здружениот штаб, во изјавата рече дека Мили има „многу мали симптоми“ и дека може да ги извршува своите должности од далечина.
Батлер рече дека Мили е целосно вакциниран против ковид и дека примил дополнителна доза од вакцината.
Последниот контакт на Мили со претседателот Бајден беше на погребот на генералот Рајмонд Т. Одиерно, кој почина во октомври на 67-годишна возраст.
Исто така во понеделникот, Маринскиот корпус соопшти дека командантот генерал Дејвид Бергер е позитивен на ковид.
„Извршувањето на неговите должности ќе остане непроменето“, изјави за Хил портпаролот на командантот, мајор Ерик Фланаган.
Мили и Фланаган се најновите врвни функционери од одбраната кои се позитивни на ковид овој месец. Министерот за одбрана Лојд Остин на 2 јануари објави дека бил позитивен на коронавирусот.
Портпаролот на Пентагон, Џон Кирби минатата недела објави дека Остин е негативен и дека се вратил во канцеларијата.