Навивачите протестираат против доделувањето билети за инфлуенсерите
![](https://www.slobodenpecat.mk/wp-content/uploads/2024/07/fanovi.jpg)
„Вистинските фанови“ често се жалат дека инфлуенсерите добиваат бесплатни билети од спонзорите и партнерите и им ги одземаат местата. Истото важи и за Европското првенство во Германија
Таканаречените инфлуенсери се повеќе добиваат бесплатни места на германските фудбалски стадиони, бидејќи клубовите тоа го сметаат за маркетинг.
Навивачите протестираат и бараат тие столчиња да се одвојат.
– Дали некој доаѓа на стадионот затоа што е заинтересиран за играта? Има нормални делови на трибините за тоа – изјави Томас Кесен, претставник на здружението на германските навивачи за ДПА.
– Ако некој дојде на стадионот да работи и некако да заработи? Тогаш треба да оди во прес-секцијата – рече Кесен.
Имено, „вистинските фанови“ често се жалат дека инфлуенсерите добиваат бесплатни билети од спонзорите и партнерите и им ги одземаат местата. Истото важи и за Европското првенство во Германија.
– Ако на навивачите им ги одземате местата, особено за Дортмунд, Баерн или Шалке, кои се секогаш распродадени и за кои инаку е тешко да се набават билети, тогаш таквото однесување навистина може да се осуди – додаде тој.
Според него, во најмала рака е погрешна практиката „одвојување билети за луѓе кои немаат интерес за играта, туку само за себепромоција“.
ВИДЕО | Фудбалерите на Грузија спектакуларно пречекани во Тбилиси