Тим предводен од истражувач од белгискиот Универзитет во Лувен открил потенцијално револуционерен начин за лекување зависност и депресија, објави белгискиот портал „Фокус на Белгија“.

Научникот Пјер Василијадис откри начин да се стимулира стријатумот – дел што се наоѓа длабоко во сивата материја во мозокот – без операција или вградени импланти во мозокот, односно на неинвазивен начин.

Техниката што ја користат научниците е насочена кон стимулирање на т.н. транскранијална темпорална интерференција.

Тоа може да влијае на бројни непријатни состојби како што се депресија, зависност од дрога и всушност на секоја друга состојба за која системот на наградување во мозокот има клучна улога.

За тоа служат два пара електроди што стратешки се поставуваат на главата на пациентот и испраќаат слаби електрични бранови низ мозокот на две различни фреквенции. Разликата помеѓу овие фреквенции е таа која всушност го стимулира засегнатиот дел од мозокот.