Одвојте малку време и ќе добиете фантастичен, ефикасен и целосно природен производ за нега на вашата кожа.

Негата на кожата е исклучително важен елемент во секојдневниот живот. Но, не е неопходно секој пат да одите во продавница или салон за да си обезбедите квалитетен третман. Можете сами да подготвите ефикасен серум за лице со неколку состојки!

Главната состојка на овој серум е кората од портокал, која е богата со витамин Ц, го стимулира колагенот и еластинот во кожата, правејќи ја пожива, поеластична и посјајна.

Начин на подготовка:

Одделете ја кората од портокалот, исечкајте ја на помали парчиња и оставете ја на сонце неколку часа додека не се исуши.

Потоа во сад ставете ја исецканата и исушена кора, потоа додадете две лажици вода од роза и 1/2 лажица глицерин, па додадете 3 капсули витамин Е.

Кога сето тоа добро ќе се измеша и соедини, покријте го садот со алуминиумска фолија и оставете го да отстои околу шест часа на собна температура.

Потоа, истурете ја смесата во блендер и изматете ја. Кога добиената смеса ќе ја процедите преку цедалка, ќе го добиете серумот за лице.

Домашниот серум можете да го ставите во шише за полесно да го користите и чувате. Можете да го користите секојдневно. Кога ќе го втриете, преку него можете да ја нанесете кремата која ја користите.