Наоми Кемпбел откри дека била малтретирана во детството: Ме нарекуваа Олива…
![](https://www.slobodenpecat.mk/wp-content/uploads/2024/07/FotoJet-97.jpg)
Британската манекенка и супермодел Наоми Кемпбел, гостуваше во подкастот на Камбон и зборуваше за малретирањето што го доживеала како дете од други деца.
Иако денес во целиот свет е позната по својата убавина, таа призна дека не се чувствувала секогаш самоуверена и дека доживеала тешки моменти на училиште.
Оваа 54-годишна манекенка раскажа како децата ја исмевале нејзината висина и витка фигура. Ја споредувале со ликот Олива од култниот цртан филм „Попај“.
„Мојот врат е прилично долг, па се обидов да ги спуштам рамениците надолу за да го скратам. Се чувствував непријатно“, се сеќава Наоми, додавајќи дека и давале и разни други прекари.
Кога станала модел, според неа, научила да се бори за себе и храбро се борела против дискриминацијата што често ја доживувала.
„Секогаш би зборувала ако има нешто што е нечесно или неправедно“, сподели Наоми.
Потсетуваме, Наоми неодамна призна дека двете деца ги добила преку сурогат мајка. Имињата на децата и датумите на раѓање се непознати за јавноста.
Наоми Кемпбел ја откри вистината за мајчинството: И двете деца ги доби во педесеттите години