Ветеранот Дерик Роуз објави дека ја завршува својата кариера. Роуз ќе остане запаметен како најмладиот МВП во историјата, признание до кое дојде како 23-годишник во дресот на Чикаго Булс.

Во НБА пристигна во 2008 година како прв пик на драфтот и утше во втората сезона стана Ол-стар, а во сезоната 2010/2011 имаше просек од 25 поени, 7.7 асистенции и четири скока.

„Во моето следно поглавје ќе ги следам моите соништа. Верувам дека е вистински успех кога ќе станеш она за што си создаден. Сакам да му покажам на светот што сум и надвор од кошарката. Без разлика дали е добра или лоша, секој во животот има своја приказна. Во мојата јас не би менувал ништо и кога би можел“, објави Роуз.

Роуз во во 2012 година имаше тешка повреда во која ги скина лигаментите, а една година подоцна го пукна и мускулот и по тие две повреди повеќе не беше истиот кошаркар.

Покрај Чикаго Булс играше уште за: Њујорк Никси, Кливленд, Минесота, Детроит и Мемфис каде што ја завршува кариерата.