На која температура треба да го поставите клима-уредот за да не е опасен за вашето здравје
![](https://www.slobodenpecat.mk/wp-content/uploads/2024/06/klima-aparat-Foto-Flickr-WebTechExperts.jpg)
Користењето клима-апарати во текот на летните месеци може да ве спаси од горештините, но важно е да знаете како правилно да ги користите за да избегнете здравствени проблеми. Експертите истакнуваат дека разликата помеѓу надворешната и внатрешната температура не треба да надминува седум степени Целзиусови.
Преголемата разлика во температурите може да предизвика бројни здравствени проблеми како што се главоболки, кардиоваскуларни проблеми, настинки, проблеми со дишењето, инфекции, алергии и сува кожа.
Која е идеалната температура? Препорачливо е клима-уредите во лето да бидат поставени на температура помеѓу 24 и 27 степени. Исто така, важно е редовно да се чистат и сервисираат клима-уредите за да се избегне ризикот од болести.
Неодржувањето на клима-апаратите може да доведе до низа болести, вклучувајќи ја и легионерската болест, која е атипично воспаление на белите дробови (пневмонија) предизвикана од бактеријата Legionella pneumophila.
Придржувањето на овие совети не само што ќе ви овозможи да уживате во удобен престој во климатизираниот простор, туку и ќе го заштитите вашето здравје во текот на летните горештини.