На 90 години: Почина холивудскиот актер Бил Кобс
Холивудскиот актер Бил Кобс почина на 90-годишна возраст. Веста за смртта ја потврди братот на актерот Томас Кобс со објава на Фејсбук.
„Со голема тага ви ја споделувам веста за смртта на Бил Кобс. Во вторникот, на 25 јуни, Бил почина мирно во својот дом во Калифорнија. Саканиот партнер, брат, вујко, сурогат родител, кум и пријател. Неодамна го прослави својот 90. роденден опкружен со најблиските. Како семејство, нас не теши фактот дека тој си замина во мир. Ве замолуваме да бидете со нас во нашите молитви“, пишува во објавата.
Бил Кобс имаше речиси 200 филмски и телевизиски улоги во својата 50-годишна кариера. Тој е најпознат по улогите како што се Луизијана Слим во „Ударот“ („The Hitter“), Волтер во „Братот од друга планета“ („The Brother from Another Planet“), Реџиналд во „Ноќта во музејот“ („Night at the Museum“) итн.
Кариерата ја започна во средината на седумдесеттите години во театар, кога почна да глуми во претставите на Бродвеј.
