На 5 октомври: Ребека, Антониа Гиговска, Ламбе Алабаковски и други ќе пејат во чест на Тоше Проески во Крушево
Легендата на македонската поп-музика Тоше Проески го одржа својот последен концерт на 5 октомври 2007 година, 11 дена пред трагично да го загуби животот во сообраќајна несреќа во Хрватска. Годинава се навршуваат 17 години од овој концерт, кој ќе остане во сеќавањето на илјадниците обожаватели кои присуствуваа на Градскиот стадион во Скопје.
По тој повод, во сабота (5 октомври) ќе се одржи концерт посветен на Тоше Проески во Градскиот парк во Крушево. Концертот ќе биде со почеток од 18 часот.
Присутните ќе имаат можност да ги чујат најголемите хитови на Тоше во изведба на Ламбе Алабаковски, „Некст тајм“, Антониа Гиговска, Ребека, Немања Радошевиќ, Анѓела Нинковиќ, Мартинијан Кириловски, „Инвиктус бенд“, Славица Ангелова, Тамара Стојкоска, Јасмин Алиевски и Кирана Ивановска.
Од 2008, на овој ден се одржува настанот „Биди и ти дел од ѕвезденото небо на Тоше“ со концерти, крводарителски акции и собир на фановите на Тоше.