Македонската пејачка Каролина Гочева ќе одржи и втор концерт во скопскиот клуб „Пјур“ на 2 март, откако влезниците за првиот (на 1 март) се распродадоа, објави продукција „Авалон“.

„Ве известуваме дека денеска, во 9 часот наутро, започна продажбата на влезниците за вториот концерт на Каролина, закажан на 2 март, во ноќниот клуб ‘Пјур’, со почеток од 21 часот. Искуството од она што се случи за распродадениот концерт, закажан на 1 март, ви кажува што треба да направите за да присуствувате во сабота во ‘Пјур’“, велат од „Авалон“.

Датумот на нејзиниот прв концерт беше симболично избран, поради нејзината песна „1 март“.

„Први март отсекогаш бил наш ден, редно е да го прославиме заедно“, најави Гочева при промоцијата за првиот концерт.

Влезниците може да ги набавите онлајн на ticketx.mk и во продажната мрежа на „Ticketx“ низ Македонија по цена од 1.000 денари.