Муцунски учествуваше на конференција на Глобалната коалиција за борба против ИСИС
Министерот за надворешни работи и надворешна трговија, Тимчо Муцунски, на покана на државниот секретар на САД, Ентони Блинкен, денеска во Вашингтон учествуваше на Конференцијата на глобалната коалиција за борба против ИСИС, соопшти Министерството за надворешна политика и надворешна трговија.
Министерот Муцунски во своето обраќање се осврнал на улогата на земјава во борбата против ИСИС и тероризмот во глобални рамки.
„За целосна победа над ИСИС, што е и единствена цел на оваа Коалиција се потребни координирани и сеопфатни напори, како држава сме целосно посветени на борбата против ИСИС и активно учествуваме во напорите на Коалицијата“, истакна Муцунски.
Во рамки на Конференцијата, што се одржува на министерско ниво, учесниците разговарале за можните опции и транзицијата на воените операции на Коалицијата, за континуираните закани и предизвици, а ја реафирмирале и важноста на засилените цивилни напори и прашањето на репатријацијата.