Муцунски се сретна со шефот на украинската дипломатија Сибиха: Македонија ќе продолжи да ја поддржува Украина
Македонија ќе продолжи да ја поддржува Украина, му кажал министерот за надворешни работи Тимчо Муцунски на шефот на украинската дипломатија Андриј Сибиха, на средба што ја имале на маргините на 79-то Генерално собрание на Обединетите нации во Њујорк.
Министерот Муцунски истакна дека недвосмислената поддршка кон Формулата за мир, Меѓународните коалиции за основање на трибунал за злосторство, агресија против Украина и за враќање на присилно раселените деца, продолжува и понатаму, како и кон останатите иницијативи и формати за обезбедување на практична помош за Украина.
На средбата стана збор и за билатералните односи, кои соговорниците ги оценја како одлични и позитивни, а беше изразено и задоволство од одличната соработка на мултилатерален план“, се вели во официјалното соопштение на МНР.
