Продлабочување на стратешкото партнерство, регионалната безбедност, економскиот развој и демократијата биле во фокус на средбата меѓу министерот за надворешни работи Тимчо Муцунски и помошник државниот секретар на САД за европски и евроазиски прашања, Џејмс О’Брајан.

Како што соопшти Муцунски на неговиот фејсбук-профил, за време на средбата истакнал дека САД се значаен стратешки партнер и НАТО сојузник, што во континуитет го помага нашиот демократски развој и севкупен напредок.

-Во услови на променет геополитички контекст, посветено и заеднички работиме на зачувувањето на регионалната стабилност и безбедност. На средбата ја реафирмиравме потребата од забрзана интеграција на земјата во ЕУ, заедничките заложби за зајакнување на сојузништвото во НАТО и поддршката за Украина – пишува Муцунски.