Мото ГП: Франческо Бањаја победник на трката во Холандија
![](https://www.slobodenpecat.mk/wp-content/uploads/2024/06/12332660.jpg)
Италијанскиот возач на Дукати, Франческо Бањаја е победник на денешната трка во Мото ГП шампионатот за Големата награда на Холандија.
Второто место го освои возачот на Прамак Дукати, Шпанецот Хорхе Мартин, кој заостана три и пол секунди зад победникот.
Третото место го зазеде фабричкиот возач на Дукати, Италијанецот Енеа Бастианини.
Бањаја вчера победи и во спринтерската трка, сега е втор во генералниот поредок со 190 бодови, прв е Мартин кој има 10 повеќе.
Дукати е прв во конкуренција на конструктори со 278 бодови, Априлија е втора со 155.
Следната трка од Мото ГП шампионатот е Германското ГП следниот викенд.