Момчето на Тејлор Свифт откри детали од средбата со принцот Вилијам, особено ја пофали принцезата Шарлот
![](https://www.slobodenpecat.mk/wp-content/uploads/2024/06/Taylor-Swift-Prince-William-1.jpg)
Американскиот спортист Тревис Келси ги раскажа деталите од неговата средба со принцот Вилијам по неодамнешниот концерт на Тејлор Свифт, на кој принцот присуствуваше со децата принцот Џорџ и принцезата Шарлот. Фудбалерот, инаку момче на Тејлор, се сретнал и со децата на принцот, за што вели дека му било големо задоволство.
– Не бев сигурен дали треба да се поклонам или само да бидам американски идиот и да се ракувам. Сакав да бидам пристоен. Меѓутоа, не бевме на официјален кралски настан, па немаше потреба од поклонување – раскажало момчето на Тејлор Свифт, пренесува „Дејли мејл“.
Тој признал дека се чувствувал малку „вкочането“, а потоа го пофалил принцот Вилијам.
– Тој беше фантастичен, им дозволи на децата да бидат гласни. Принцезата Шарлот е преслатка – додал Келси.
За потсетување, минатата недела Тејлор Свифт го започна лондонскиот дел од својата турнеја „Ерас“ на распродадениот стадион Вембли. Принцот Вилијам дојде на концертот со своите деца. Дојдоа и други членови на британското кралско семејство, Зара и Мајк Тиндал.
Принцот Вилијам се пофали и со фотографија со познатата пејачка.
„Благодарам, Тејлор, за одличната вечера“, напишал принцот.
ВИДЕО | Принцот Вилијам танцуваа и пее на концерт на Тејлор Свифт