Министерството за здравство самото се демантираше и го назначи доктор Игор Стојковски за директор на Онкологија
![](https://www.slobodenpecat.mk/wp-content/uploads/2024/06/igor-stojkovski.jpg)
Министерот за здравство Арбен Таравари за нов директор на Клиниката за онкологија го назначи доктор Игор Стојковски. „Слободен печат“ синоќа испрати прашања до Министерството дали Стојковски е новиот директор, на што добивме негативен одговор без да се прецизира кој ќе ја раководи оваа јавноздравствена установа.
Сепак, попладнево Министерството самото се демантираше и соопшти дека сепак Стојковски ќе биде директор на Клиниката за онкологија.
Стојковски е раководител на одделението за малигни тумори на ЦНС, коскени тумори и карцином на кожа и долгогодишен онколог. Претходно со клиниката раководеше доктор Виолета Клисаровска. Вчера нови медицински директори добија Клиниката за токсикологија и Клиниката за неврологија во Клинички центар „Мајка Тереза“. За нов директор на токсикологија е поставен професор доктор Андон Чибишев, а неврологија ќе ја раководи поранешниот министер за здравство доктор Фатмир Меџити.