Премиерот Христијан Мицкоски денеска на новинарско прашање околу тоа дали се презема нешто во врска со ставањето ред во употребата на македонскиот јазик, особено со емитувањето на странските спортски канали во државата, рече дека Владата веќе има формирано Комисија којашто има задача да направи напор да се користи македонскиот, албанскиот и останатите јазици во државата.

„Колку човек повеќе знае јазици, тоа е богатство. Јас тоа секогаш го зборувам и тука нема нешто коешто би било лошо. Но, добро е да си го заштитите вашиот мајчин јазик и добро е кога економиски оператори остваруваат некаков профит овде да знаат барем да го почитуваат македонскиот јазик, и во рамките на тоа формиравме Комисија на Владата на седницата на Владата, во вторникот“, изјави Мицкоски.

Комисија којашто ќе има за задача да оние канали коишто преку кабелските оператори сѐ уште не го употребуваат македонскиот јазик да се направи еве, еден таков вид на напор, да видиме, да тоа унапредување почне и да може да се користи и македонскиот и албанскиот јазик исто како и сите останатите јазици коишто во моментов, сега се користат”, изјави премиерот Мицкоски.