Во петок од 21.00 часот во четвртфиналето на Европското првенство во Германија ќе се сретнат фудбалските репрезентации на Франција и Португалија. Иако на теренот ќе има многу играчи од светска класа, тешко е да се избегне дека ова нема да биде гладијаторски дуел меѓу Кристијано Роналдо и Килијан Мбапе.

Ова не е прв пат овие двајца играчи да го делат теренот. Тие се сретнаа во осминафиналето на Лигата на шампионите во 2017/18 година, кога Реал Мадрид лесно го победи ПСЖ на Килијан Мбапе со вкупни 5:2 на патот на Роналдо до четвртата титула во Лигата на шампионите.

Но, тие никогаш не се сретнале на големо меѓународно натпреварување, бидејќи Мбапе сè уште не беше дел од сениорската француска репрезентација кога Португалија на Роналдо ги победи во финалето на Евро 2016.

Дуелот во Хамбург има сосема поинаков контекст во однос на средбата во ЛШ пред шест години. Тогаш Мбапе беше 19-годишен позајмен играч од Монако – полн со потенцијал, но далеку од „готов производ“.

Мбапе сега има 25 години, широко се смета за најдобриот играч во светот и со кого стојат Франција се надева на освојување на првата европска титула од 2000 година. Летово Мбапе ќе се пресели во Реал Мадрид каде се очекува да биде клучен играч. Роналдо ја имаше таа улога, во неговите најдобри денови.

Шест години подоцна, Роналдо продолжува да привлекува внимание иако повеќе не игра во врвните топ 5 европски лиги, моментно ги брани боите на Ал Наср од Саудиска Арабија. Улогата на 39-годишниот во португалската репрезентација е предмет на голема дебата по неговиот настап во осминафиналето против Словенија, кој го одбележаа промашените слободни удари, одбранетиот пенал и солзите.

Сепак, Роналдо може да даде резултат кога е најважно, како што беше случајот со неговиот гол од пенал во рулетот – иако голманот Диого Коста беше тој што го украде центарот на вниманието со три последователни одбрани.

– Без разлика дали ќе го освои ЕП или не, Роналдо е легенда, голем респект за сето она што има направено – рече Мбапе за португалскиот репрезентативец.

🗣️ Kylian Mbappé: “No matter what happens in EUROs, if Cristiano Ronaldo wins or loses tomorrow, if he plays well or not. With someone like him you’re not looking at details anymore. He’s a legend, big respect for everything he has done. He inspired a generation, including me.” pic.twitter.com/OwFC8jf2xj

— Madrid Zone (@theMadridZone) July 4, 2024