Селекторот на кошаркарската репрезентација на Макеоднија, Драган Бајиќ кој седи и на клупата на Игокеа со победа ги започна настапите во ФИБА Лигата на европските шампиони. Игокеа во првото коло во 68:64 го совлада ПАОК.

Тимот на Бајиќ славеше со пресврт и вистинска драма во последната минута од натпреварот.
Игокеа одлично го започна натреварот од групата Е и првата четвртина ја доби со 19:12, но потоа следеше пад во играта кој го искористи грчкиот тим да направи серија од 0:15 и на одмор да замине со предност од шест поени (26:32).

Игокеа во второто полувреме успеа да фати резултатски приклучок иако ПАОК во еден момент имаше и 12 поени предност, но во последната минута од натпреварот по поените на Стефан Ѓорѓевиќ поведе со 65:64. Потоа Раданов погоди тројка за 68:64, резултат кој на крајот се покажа како конечен. Најпрецизен во тимот на Игокеа беше Волер со 14 поени, Раданов даде 13, додека кај ПАОК се истакна Грифин со 18 постигнати поени.