Мајкл Китон се враќа како Бетмен во претстојниот филм „Batgirl“
Иако сè уште не се познати деталите за премисата на филмот, засега е познато дека приказната ќе се фокусита на хероината чиј вистински идентитет е Барбара Гордон, ќерката на полицискиот комесар во Готам, Џим Гордон.
Триесет и две години подоцна, актерот Мајкл Китон повторно ќе го облече костимот на Бетмен за неговата улога во престојниот филм „Batgirl“ од DC’s Extended Universe.
Филмот е во режија на Едил Ел Арби и Билал Фалах (режисери на „Bad Boys for Life“), додека пак сценариото е на Кристина Ходсон („Bumblebee”, „The Flash”)
Michael Keaton set to return as Batman in new Batgirl film https://t.co/hOyHrWaYTT
— The Independent (@Independent) December 23, 2021
Иако сè уште не се познати деталите за премисата на „Batgirl“, засега е познато дека приказната ќе се фокусита на хероината чиј вистински идентитет е Барбара Гордон (Лесли Грејс), ќерката на полицискиот комесар во Готам, Џим Гордон.
Како што претходно беше најавено, Ј.К. Симонс ќе ја репризира својата улога на Џим Гордон, откако за прв пат ја толкуваше во филмот „Justice League“ на Зак Снајдер, додека пак Брендан Фрејзер ќе го глуми Фаерфлај.
The cast of #Batgirl is actually pretty solid.
Leslie Grace as Batgirl
JK Simmons as Jim Gordon
Michael Keaton as Batman
Brendan Fraser as Firefly pic.twitter.com/KFeX1cqTs5
— Nope⚡ (@emeraldarcher68) December 23, 2021
Китон за прв пат се појави како Брус Вејн во „Batman“ од 1989, во режија на Тим Бартон, но Warner Bros. одбива да го коментира неговиот повторен кастинг за истата улога во филм на друга продукција.
Во врска со оваа одлука, Китон коментираше:
– Само затоа што бев љубопитен не значеше дека сакам да го направам тоа. – појасни тој во последната епизода од подкастот на Variety’s Award Circuit. – Значи, потребно беше долго време, искрено… За да го прифатам нештото, тоа мора да биде добро. И мора да има причина.
Не е познат датумот на премиерата на „Batgirl“, но се очекува филмот да пристигне на HBO Max во 2022 година.
Во текот на наредната година, Китон ќе се појави како Бетмен и во претстојната авантура на Warner Bros, „The Flash“. Филмот, во кој се појавува Езра Милер како главниот херој, Кирси Клемонс како Ајрис Вест, Саша Кале како Супергрл и Бен Афлек со својата верзија на Бетмен, се очекува да пристигне во кината на 4 ноември 2022 година.
