Министерството за култура во минатата влада незаконски ја презело Универзална сала од Град Скопје затоа што по закон тоа не може да гради објект што е локална установа, тври министерот за култура и туризам Зоран Љутков и најави дека против сите вклучени ќе биде поднесена кривична пријава.

Тоа ќе биде откако работните групи што се формирани ќе ги завршат своите анализи и ќе дадат извештај за целата постапка. Тој рече дека изградбата засега е стопирана зашто не се знае во чие владение е салата, но дека Скопје ќе има Универзална сала за 2028 кога ќе биде Европски град на културата.

Арсовска: Наместо одговори на прашањата за Универзална сала, од министерката за култура добивме само закани со тужба

-Ние како министерство, како владина институција, по закон не можеме да финансираме или да градиме објект што е локална установа. Уште малку имаме да за да ги финализираме работите и ќе ја кажеме точната ситуација за Универзална сала, на посебна прес-конференција ќе ја појасниме постапката од почеток до крај за да не бидат во заблуда ни граѓаните, ниту институциите. Скопје во 2028 година ќе ја има Универзална сала и ќе ја има на законски и легален начин. Ова што е направено до сега е незаконски и нелегално, подлежи на кривични пријави. Ние ќе го запреме ваквото дивеење и незаконско работење, ќе ја вратиме постапката и најтранспарентен и на најлегален начин Скопје ќе биде Европската престолнина на културата со нова Универзална сала и ќе се гордее со неа затоа што ќе биде изработена законски – истакна Љутков.

ВИДЕО | Гори Универзална сала

Пред околу шест месеци Универзалната сала беше зафатена од голем пожар, во кој изгоре новата купола. Полицијата тогаш приведе три лица – работници кои изведувале работни задачи. Причините за пожарот сѐ уште не се познати.