Летна закуска: Рецепт за крцкави тиквички со пармезан
![Пржени тиквички](https://www.slobodenpecat.mk/wp-content/uploads/2023/06/Крцкави-тиквички-1.jpg)
Крцкави однадвор, меки однатре – сигурно ќе ги обожавате овие тиквички без бело брашно и без масло за пржење, пишува „Пун куфер“.
Подготовката на овие крцкави тиквички во рерна е многу едноставна. Стапчињата тиквички потопете ги во мешавина од изматени јајца, а потоа во мешавина од бадемово и кокосово брашно и пармезан.
Тие најдобро се послужуваат топли , штом ќе ги извадите од рерна. Тие можат да бидат идеална закуска, вкусно предјадење или нешто со што ќе ги послужите гостите за време на домашната забава.
![](https://www.slobodenpecat.mk/wp-content/uploads/2023/06/Крцкави-тиквички-2.jpg)
Потребни состојки:
- 2 супени лажици маслиново масло
- 2 средни тиквички
- 2 големи јајца
- 1 лажичка сол
- 1/2 лажичка лук во прав
- 1/2 лажичка каенски пипер
- 1 шолја бадемово брашно
- 1/3 шолја кокосово брашно
- 2/3 чаша рендан пармезан
Подготовка:
Загрејте ја рерната на 200 степени. Обложете го плехот со хартија за печење или премачкајте со маслиново масло.
Исечкајте ги тиквичките на стапчиња. Изматете ги јајцата во сад, додадете сол, лук во прав и каенски пипер.
Во посебен плиток сад измешајте бадемово брашно, кокосово брашно и пармазан.
Секое парче тиквичка потопете го во смесата со јајца, а потоа во смесата со брашно и пармезан. Ставете ги на подготвениот плех. По желба намачкајте со маслиново масло.
Печете околу 15 минути од секоја страна, додека стапчињата не поруменат, па превртете ги и печете уште 10-15 минути.
Послужете ги топли, со сос по желба.