Крстарењето на кое бил Колин Блејк за да ја прослави 35-годишнината од бракот се претворило во кошмар откако пајак му снесол јајца во палецот на ногата, пишува „Би-би-си“.

Патувањето низ Франција добило неверојатен пресврт, откако неговиот палец потекол и станал виолетов преку ноќ. Загрижениот патник го посетил докторот на бродот и открил шокантна информација.

Докторот му објаснил на Колин дека бил каснат од перуански волк-пајак, кој снесол јајца во неговиот палец на ногата.

Блејк бил каснат од пајакот додека тој и неговата сопруга биле на оброк на отворено во Марсеј, Франција. Тој изјавил дека не бил свесен дека е каснат, туку се сомневал во алергиска реакција од новите сандали кои ги носел.

Откако му биле дадени антибиотици за борба против токсините, отокот спаднал, а медицинскиот персонал го отсекол „туѓото тело“, при што излегол гној исполнет со јајцата од пајакот. За среќа Блејк целосно ќе закрепне.

„Прашав дали можам да го задржам, но докторите рекоа не“, се пошегувал тој.

Инаку, Перуанските волк-пајаци се појавуваат во Франција, по пристигнувањето во оваа областа преку товарните бродови на пристаништата.