Фудбалерите на Португалија со подобро изведување пенали ја победија Словенија (3:0) и се пласираа во четвртфиналето на Европското првенство, каде в петок ќе играат против Франција.

На мечот со Словенија немаше голови во 120-минути игра, а можеби најблиску Португалија до избегнување на ударите од белата точка беше во 105. минута, кога Кристијано Роналдо имаше шанса да ја погоди мрежата од пенал.

Голманот на Атлетико Мадрид Јан Облак со брилијантна интервенција го расплака Роналдо.

Во пенал-серијата Роналдо го поправи промашеното, а останатите голови ги постигнаа Бруно Фернандеш и Бернардо Силва, а Јосип Иличиќ, Јуре Балковец и Бенјамин Вербич не успеаја да ги реализираат првите три обиди за Словенија.

– Тага на почетокот, радост на крајот. Тоа е фудбалот, моменти кои се неописливи. Имав чиста можност да го доведам тимот во водство, но не успеав. Јан имаше одлична одбрана. Цела година не промашив пенал, но кога беше најважно не успеав. Мислам дека заслуживме да победиме бидејќи игравме со поголем авторитет. Словенија се бранеше речиси цел натпревар. Посебни честитки за нашиот голман кој одбрани три пенали – рече Роналдо по натпреварот.

Missed the penalty that could’ve won the game in extra time, but still stepped up to take the first penalty in the shootouts, scored and apologised to the fans.

The mentality from this man is unreal.

TAKE A BOW, CRISTIANO RONALDO 🫡 pic.twitter.com/DhD9OP2skN

— UF (@UtdFaithfuls) July 1, 2024