Крис Џенер проговори за туморот: „Ми рекоа дека мораат да ми ги отстранат јајниците“
![](https://www.slobodenpecat.mk/wp-content/uploads/2024/05/Kris-Jenner.jpg)
Американската медиумска личност Крис Џенер (68) неодаман откри дека лекарите ѝ дијагностицирале тумор. Нејзиното признание беше прикажано во трејлерот за петтата сезона на „Семејството Кардашијан“ („The Kardashians“), а деновиве излезе и епизода во која таа зборуваше за својата болест.
Џенер им ја откри веста на ќерките Кендал, Ким и Клои, а сè беше документирано на камера.
„Сакав нешто да ви кажам бидејќи сè уште не сум ви кажала, но отидов на лекар и направив преглед. Тоа ме прави многу емотивна, но… Ми најдоа циста и мал тумор на јајниците. Лекарот ми рече дека мораат да ми ги отстранат јајниците“, им рекла таа, додавајќи дека тоа е дел од „стареењето“.
Како што вели, ова е знак дека завршила со еден дел од животот, со едно цело поглавје.
Откако ја слушна шокантната вест, Ким проговори и пред камерите.
„Операцијата и отстранувањето јајници е голема работа. Се чувствувам многу тажна поради неа. Не можам ни да се замислам себеси во таа ситуација и колку би била исплашена доколку морам да поминам низ тоа“, рече таа.
ВИДЕО | „Готват дотерани за Вог“: Кајли Џенер „сечка“ како Кендал, Крис вели дека е генетски