Кремљ ги предупреди САД: Вашето пријателство со Украина може да биде многу опасно
Кремљ денеска соопшти дека американската воена помош за Украина може да го охрабри Киев да се однесува непредвидливо и опасно во конфликтот на истокот на земјата.Русија бурно реагираше на американско-украинското пријателство, кое, според нив, било мотивирано поради нивното противење за прифаќање на Украина како членка на НАТО, пренесува ТАСС.
Украинските војници се борат против силите поддржани од Русија во источниот регион Донбас од 2014-та година, а 14.000 луѓе оттогаш ги загубија животите во конфликтот кон Киев.
Портпаролот на Кремљ, Дмитриј Песков, изрази загриженост поради плановите за американска воена помош.
„Веруваме дека ова потенцијално може да предизвика непредвидливи акции од украинска страна во однос на обидот за да се реши со сила украинскиот конфликт. Тоа е многу опасно”, рече Песков.
Тој го изрази долгогодишното противење на Москва на желбата на Киев да се приклучи на НАТО, истакнувајќи ги коментарите што Зеленски ги даде за време на патувањето.
Зеленски рече дека Украина направила се што е потребно за да го заслужи членството во НАТО, што Киев го гледа како витално средство за одмазда на Русија. НАТО верува дека Украина мора да прифати дополнителни политички реформи пред да стане членка.