Кралот Чарлс ќе патува во Америка, сака подобро да ги запознае децата на принцот Хари
![](https://www.slobodenpecat.mk/wp-content/uploads/2024/04/FotoJet-44-1.jpg)
Кралот Чарлс Трети (75) наводно наскоро ќе отпатува во Америка за да ги посети своите внуци, пишува „Њујорк пост“. Според странските медиуми, кралот сака да има поголема врска со внуците и дека тие можат да се потпрат на него.
„Чарлс разговараше за официјална посета на САД во одреден момент во иднина. Без сомнение кралот, ако дојде до тоа, ќе најде време и да ги посети својот најмлад син и внуците. Пред тоа има уште многу планови да се надминат“, открил изворот.
Тој додал дека кралот ја мрази помислата дека Арчи и Лили нема да го паметат како топол и пријателски расположен дедо. Се наведува дека е во добар однос со децата на принцот Вилијам и Кејт Мидлтон и дека често се дружат, а со децата на принцот Хари одржува контакт преку видео повик. Меѓутоа, изворот открива дека кралот сака да го смени тоа.
Инаку, принцот Хари пред четири години со сопругата Меган Маркл и нивните деца се пресели во САД и престана да ги извршува кралските должности. Парот и нивниот син Арчи и ќерката Лилибет живеат во Монтесито, Калифорнија. Односите меѓу принцот и неговото семејство се влошија, а вистинските проблеми започнаа кога Хари ги објави своите мемоари „Резерва“.
Според странските медиуми, на принцот му недостасува животот во Британија, па бара постојан дом.
„Хари е решен да го најде својот постојан дом во Обединетото Кралство, што делумно е причината зошто тој продолжува со правните активности за да го принуди британскиот даночен обврзник да плати за неговата безбедност“, изјавич експерт за британските медиуми.