Речиси сите членови на американскиот Генералштаб се ставени во самоизолација, откако вториот човек на Крајбрежната стража објавил дека е позитивен на коронавирус.

Адмиралот Чарлс Реј, по состанокот на американскиот воен врв во Пентагон, бил тестиран за ковид-19 и добил позитивни резултати.

Висок воен претставник, кој побарал да остане анонимен, нагласил дека речиси целиот состав на Генералштабот бил тестиран на коронавирус од претплазливост, но сите, освен адмиралот Реј биле негативни и продолжиле со своите должности.

Во меѓувреме, Белата куќа соопшти дека зголемениот број на заразени со Ковид-19 меѓу претставници на американската администрација, не го загрозува функционирањето на Владата на САД.

– Освен адмиралот Реј, нема други високи воени претставници кои се заразени со коронавирус. Борбената готовност и подготвеност на американските вооружени сили се непроменети, изјави претставникот на Пентагон, Џонатан Хофман.